Црвен Крст Битола - најнови вести

Во петокот на 13-ти Мај во кругот на „Магазата“ во Битола се одржа традиционалниот Општински натпревар по Прва помош со екипи од основни и средни училишта. На истиот учествуваа 11 екипи од основните 4 екипи од средните училишта. Екипите покажаа солидни знаења од областа на давање прва помош на повредени и за победникот решаваа само неколку бодови.

Во категоријата на основни училишта постигнати се следните резултати:

На 18-ти односно 19-ти Март, во рамките на посетата по повод одбележувањето на 17-ти Март, Ден на Црвениот крст на РМ и Ден на крводарителството во РМ, потпишани се три спогодби за меѓународна соработка . Имено, ООЦК Битола, потпиша Спогодби за понатамошна соработка со Црвениот крст Врњачка Бања – Р.Србија, Црвениот крст Рашита – Р.Романија како и со Црвената полумесечина од Бурса – Р. Турција.

Со овие Спогодби, се проширува можноста на сите присутни во Битола, да се воспостават меѓусебни соработки, од кои подоцна произлегуваат позитивни активности. Така од сите присутни Организации, се очекува учество на нивни млади волонтери на Меѓународниот камп „Магарево 2011“ на Пелистер, а во текот на идните месеци, наши млади волонтери ќе бидат вклучени во активности, едукативни работилници, младински кампови и сл. што присутните на средбата во Битола ги организираат во нивните земји.  Ваквата размена на волонтери, значи проширување на Меѓународната соработка, размена на искуства по различни  области од работењето и применување на позитивните искуства кај нас или во работата на другите Организации на Црвен крст и Црвена Полумесечина.

Во изминатата година Клубот на млади воспостави соработка со претставници од Америчкиот мировен корпус во Битола или поточно со Katie Kalinowski. Соработката се состоеше од заеднички средби на кои од страна на Црвен крст беше презентирана порграмата за обука на учениците по Прва помош во општина Битола.

За да ја реализираме оваа програма меѓу другото потребни ни беа повеќе фантом кукли за реалистично прикажување на реанимацијата. Kalinowski сериозно ја сфати потребата од фантом куклите и се потруди да побара донатори за истите. На задоволство на двете страни во пресрет излегоа организацијата Operation Florian од Велика Британија. Во петокот на 04.03.2011 двајца претставници на споменатата организација заедно со Kalinowski од Американскиот мировен корпус ни донираа 5 фантом кукли (две бебиња, две деца и еден возрасен фантом).