Започна реализацијата на планираните крводарителски акции за летниот период. Планирани се повеќе крводарителски акции кои треба да ги задоволат потребите за крв во Општината, па и пошироко за пациенти кои се лекуваат во останатите медицински установи во државата. Од планираните акции во летниот период 3 се крводарителски акции на отворено. 

Како и секоја година, првата летна акција и годинава се одржа во РЕК Термо – Битола на 25 Јуни. И покрај тешките услови за работа Рековци стандардно ја покажуваат својата хуманост. Крв даруваа 35 крводарители и тоа од оние крвни групи кои во моментот се потребни, а останатите 53 беа запишани за дарување крв на повик, во наредниот месец. 

Наредната крводарителска акција во РЕК е во Рудникот,  a е на 15 Јули, каде се oчекува исто така голем број на крводарители.