Прва помош при Црвен крст - Битола

Првата помош   претставува една од  основните и најпрепознатливите  активности на организацијата. Активностите преставуваат оспособување на населението за давање Прва помош преку развиени програми прилагодени за нај различни категории.

Основно  се организира курсна настава  за  ПП  за кандидатите  за возачи на моторни возила, што е и законска обврска, потоа за вработени во работни организации и други средини ( Закон за безбедност на сообраќајот на патиштата и закон за безбедност и здравје при работа ).

Секоја година се одржува  Општински натпревар по прва помош  со екипи од основни и средни училишта на  кој  му претходат припреми на  настаниците  и учениците  во кабинетот  по Прва помош во организацијата.

За сето ова да се реализира  односно  да се обезбеди  максимален квалитет на наставата  организацијата има едуциран кадар и волонтери кои постојано  се до едуцираат и се   зголемува ,   обезбедува и модернизира опрема за изведување на наставата  со што се обезбедува и  квалитетна обука по прва помош.

Обука по Прва Помош

Во законот за безбедност и здравје при работа должност и обврска на работодавачот е да организира и обезбеди обука по Прва Помош на вработени и тоа на секој 20 вработени најмалку по еден од нив мора да биде оспособен и одреден за давање на Прва Помош.

За таа цел, Општинската Организација на Црвен Крст - Битола, ве информира дека е единствена организација која е овластена да врши обука и оспособува лица за давање на Прва Помош за што издава званичен сертификат.

Сите други заинтересирани фирми и институции за обука по Прва Помош на нивни вработени можат да се обратат во Општинската Организација на Црвен Крст - Битола, или на телефонскиот број 047 / 236-019.